ناديـــــــنا ـ حوارات في العلمانية

المشكله ان البنى ادم فاكر نفسه حر لكن هو مش حر
بمعنى ان لو البنى ادم هو اللى وجد نفسه بنفسه يبقى يعمل اللى هو عايزه وبحريته فى كل شؤون حياته لكن الله عز وجل هو اللى خلقنا واوجدنا فى الدنيا دى وادانا من النعم ما لا يعد ولا يحصى فإذن اى شى يفرضه علينا او يحرمه علينا هو اللى احنا نعمله ومن غير ما نسال ليه ولو سالنا هنلاقى السبب فى صالحنا وافضل لينا وتخيلى مثلا ان انتى صنعتى حاجه (ولله المثل الاعلى ) واديتيها حاجات كتير اوى اوى اوى ووفرتلها حاجات كتيير اوى اوى اوى والحاجه دى بعد ما انتى اللى عملتيها واديتيها واديتيها امرتيها انها تعمل حاجه معينه وماعملتهاش يا ترى هيكون ايه شعورك وتصرفك معاها , اعتقد انك هتدمريها فورا .
فياريت تعيدى نظر فى القرار اللى انتى اتخذتيه ده واوعى تنسى ان الله هو الغفور الرحيم الصبور الجبار القهار مالك الملك ذو الجلال والاكرام وغير باقى اساميه وصفاته اللى مش موجوده خالص غير فيه هو واخيرا تحمدى ربنا على نعمة الاسلام اللى انتى فيها واللى كتير اوى اتولد ووجد نفسه مش مسلم واتوفى على الشرك بالله واستغفر الله لى ولكم ولا اله الا الله محمد رسول الله وان آخر دعوانا الحمد لله رب العالمين .